პსჟ-ს მთავარმა მწვრთნელმა, ლუის ენრიკემ, აფრიკის ერთა თასის ფინალში რეალისა და მაროკოს ნაკრების ნახევარმცველის, ბრაჰიმ დიასის გაფუჭებულ პენალტზე ისაუბრა.
ფინალში მაროკოს ნაკრები სენეგალთან დამატებით დროში დამარცხდა — 0:1.
„დღეს ამ თემაზე ვისაუბრეთ. ყველა ბრაჰიმზე ლაპარაკობს, მაგრამ მე ზიდანი მახსოვს — ფეხბურთის ღმერთი, რომელმაც იგივე მსოფლიო ჩემპიონატის ფინალში გააკეთა. ასევე მახსოვს სერხიო რამოსი, რომელმაც პანენკა უმნიშვნელოვანეს მატჩში შეასრულა. ბევრი ფეხბურთელი იქცევა ასე. როცა ასეთ პენალტს იტან, ყველა ტაშს გიკრავს და არაფერს ამბობს, მაგრამ თუ ვერ გაიტან, ბევრს შენზე ცუდი წარმოდგენა უჩნდება.
ბრაჰიმი შესანიშნავი ფეხბურთელია. მე მას ვიცნობ, თავად მოვიწვიე ის ესპანეთის ნაკრებში. ის გამორჩეული მოთამაშეა და შესანიშნავი ადამიანიც. ეს ყველაფერი უსამართლოა. მესმის, რომ ამის მიღება რთულია, მაგრამ ეს სპორტია, სადაც უნდა შეძლო როგორც გამარჯვება, ისე მარცხი.
არაფერი ტრაგიკული არ ხდება. მოიგებ თუ წააგებ, ცხოვრება არ ჩერდება. მთავარი ის ღირებულებებია, რომლებიც ახალგაზრდებს უნდა აჩვენო. ის არც მკვლელია და არც ბოროტმოქმედი — მას პატივისცემით უნდა მოეპყრონ. ახლა უბრალოდ დიდი წნეხის მომენტი აქვს.“ — განაცხადა ლუის ენრიკემ.
