პარიზის 2024 წლის ოლიმპიადაზე თავისუფალ ჭიდაობაში -65 კგ. წონით კატეგორიაში საქართველოს სახელით გოდერძი ძებისაშვილი წარსდგა.
1/8 ფინალურ ეტაპზე ქართველი სომეხ ვაზგენ ტევანიანს დაუპირისპირდა და უშანსოდ 11-0 დამარცხდა.
ტევანიანის ფინალში გასვლის შემთხვევაში ძებისაშვილი რეპეშაჟში გააგრძელებს ასპარეზობას, წინააღმდეგ შემთხვევაში პარიზის ოლიმპიადას დაემშვიდობება.
-97 კგ. წონით კატეგორიაში საქართველოს ღირსებას გივი მაჭარაშვილი იცავს. ქართველის მეტოქე 1/8 ფინალში სამხრეთ აფრიკელ ნიკოლაას იოჰანეს დე ლანგე იყო. მაჭარაშვილმა დამაჯერებელი გამარჯვება მოიპოვა. მან შეხვედრა ვადაზე ადრე დაასრულა და 12-2 მოიგო.
გივის მეტოქე 1/4 ფინალურ ეტაპზე უკრაინის სახელით მოასპარეზე მურაზ მჭედლიძე იქნება, რომელმაც თურქი იბრაჰიმ ჩიფთჩი 5-1 დაამარცხა.
