გიორგი მიქაუტაძემ სოციალურ ქსელში გურამ კაშიას მიმართა.
,,გურამ, მადლობა ყველაფრისთვის, რაც ქართული ფეხბურთისა და ჩვენი ეროვნული ნაკრებისთვის გააკეთე.
შენი ლიდერობა, თავდადება და შეუპოვრობა მთელი თაობისთვის შთაგონების წყაროდ იქცა.
დიდი პატივი იყო შენთან ერთად ამ გზის გავლა. შენი კვალი და მემკვიდრეობა სამუდამოდ დარჩება ქართული ფეხბურთის ისტორიაში." - წერს მიქაუტაძე ინსტაგრამის სთორიში.
გურამ კაშიამ რუმინეთთან ამხანაგურ მატჩში საქართველოს ეროვნულ გუნდში ბოლო, 129-ე შეხვედრა ჩაატარა და სანაკრებო კარიერა დაასრულა.
კაშიას გაცილების მატჩი - საქართველო რუმინეთს დაუზავდა
