უკრაინის მწვრთნელი საქართველოსთან დაპირისპირებაზე საუბრობს

უკრაინელი ვეტერანი ფეხბურთელი და მწვრთნელი ოლეგ ფედორჩუკი Sport.ua-სთან ინტერვიუში ერთა ლიგის მოახლოებულ შეხვედრებზე საუბრობს.

ფედორჩუკი მიიჩნევს, რომ შექმნილი რთული საკადრო კრიზისიდან გამომდინარე, უკრაინის ნაკრებისთვის უნგრეთისა და საქართველოს წინააღმდეგ მატჩებში დადებითი შედეგის მიღწევა ძალზე რთული იქნება.

მისი თქმით, უკრაინის ეროვნული გუნდის მთავარი მწვრთნელი ანდრეა მალდერა ცუდ ვითარებაშია, რადგან წამყვანი ფეხბურთელები კლუბებში სათამაშო პრაქტიკას მოკლებულნი არიან, შეტევის ხაზში კი რომან იარემჩუკი, ვლადისლავ ვანატი და არტემ დოვბიკი ოპტიმალურ ფორმაში არ არიან.

მწვრთნელმა განაცხადა:

ასეთ ფორსმაჟორულ ვითარებაში კარგი იქნება, თუ ნაკრები უნგრეთსა და საქართველოსთან წაგებას აირიდებს.

შეგახსენებთ, რომ ერთა ლიგის ახალი სეზონი სექტემბრის ბოლოს აიღებს სტარტს. საქართველოს ნაკრები 25 სექტემბერს ჩრდილოეთ ირლანდიას უმასპინძლებს, ხოლო 28 სექტემბერს უკრაინის ეროვნულ გუნდს დაუპირისპირდება.