გიორგი შერმადინმა საქართველოს ნაკრებში 19-წლიანი კარიერა დაასრულა. ბოლო მატჩი ესპანეთის ნაკრების წინააღმდეგ, ქალაქ ტენერიფეში ჩაატარა - იქ, სადაც 2019 წლიდან საკლუბო დონეზე თამაშობს.
ჩვენს გუნდში შერმოს დებიუტი 2006 წლის 3 სექტემბერს, ლუქსემბურგთან შეხვედრისას (86:44) შედგა, მას შემდეგ კი, 19 წლის განმავლობაში, ნებისმიერი ფორმაციის პირობებში, ერთ-ერთი ყველაზე მნიშვნელოვანი და სტაბილური მოთამაშე გახლდათ.
გიორგი შერმადინი ერთადერთი ქართველია, რომელსაც, დამოუკიდებლობის შემდეგ, საქართველოს ნაკრების მიერ ნათამაშებ 7-ვე დიდ ტურნირზე (6 ევრობასკეტი და 1 მსოფლიო ჩემპიონატი) აქვს მონაწილეობა მიღებული.
ეროვნული ნაკრების ღირსება 202 შეხვედრაში დაიცვა და ჯამში ზუსტად 1750 ქულა ჩაიწერა აქტივში.
მისი სანაკრებო და სპორტული კარიერა იმსახურებს, რომ დავემშვიდობოთ სიტყვებით: "მადლობა, შერმადინი".
