"მადლობა თქვენი სიყვარულისთვის" - სონის გამოსამშვიდობებელი წერილი

ჰინ-მინ სონი სოციალურ ქსელში ტოტენჰემის გულშემატკივრებს დაემშვიდობა.

"როგორ მოვძებნო სწორი სიტყვები ამისთვის? არ ვიცი. დღეებია ვფიქრობ. ეს შეუძლებელია, მაგრამ დავიწყებ.

დროა ტოტენჰემ ჰოთსპურს დავემშვიდობო. ჩემი სახლი ბოლო დეკადის განმავლობაში. როცა აქ ჩამოვედი 2015 წელს, ინგლისურად არ ვლაპარაკობდი. არ ვიცოდი ლონდონი, მაგრამ თქვენ მთელი გულით მიმიღეთ, ჩემი დაიჯერეთ და გვერდზე მედექით ჭირსა თუ ლხინში. მე უბრალო ბიჭი ვიყავი კორეიდან დიდი ოცნებებით, რომელსაც შანსი არ უნდა ჰქონოდა. და ახლა, 10 წლის შემდეგ, ჩრდილო ლონდონი სამუდამოდ ჩემს გულშია.

აქ ცხოვრებისეული მეგობრები შევიძინე, მქონდა პატივი ნათლია გავმხდარიყავი და მქონდა ჩვენი განსაკუთრებული კლუბის კაპიტნობის პრივილეგია. ამ კლუბს მთელი გული და სული მივუძღვენი, რაც ამას ყველაზე რთულ გადაწყვეტილებას ხდის. ვიფიქრე, რომ თუ ოდესმე წავიდოდი, ეს ჩემი პირობებით უნდა ყოფილიყო, საუკეთესო პირობებით, როცა ჩვენი ერთობლივი მისა შესრულებული იქნებოდა. სიამაყით და პატივით.

ჩემი დებიუტი რაღაც სხვა იყო, პუშკაშის ჯილდო კარგი იყო, ოქროს ბუცის მოგება პატივი იყო, მაგრამ ევროპის ჩემპიონობა ბილბაოში... ეს ცხოვრებისეული იყო. იმ ღამეს, მომენტსა და ტიტულს მთელი ჩვენი ცხოვრება გავიზიარებთ.

და ყველა თქვენგანს, გულშემატკივრებს, ვინც ამას კითხულობთ. მადლობა თქვენი სიყვარულისთვის, მხარდაჭერისთვის და ნდობისთვის, რომელიც თქვენ გქონდათ ჩემ მიმართ ბოლო დეკადის განმავლობაში. ყველას კლუბში, მფლობელს, ჩემს მწვრთნელებს და ყველას, ვინც რომელიც ყოველდღე ჩემთან ერთად იყო ვარჯიშზე, სამზარეულოში, ფრენისას, თამაშისას, ტრავმისას, რეაბილიტაციისას, გამარჯვებისას... მადლობა.

ყველას მთელი ჩემი გულით მადლობა. იმედია, ყველა ამაყობთ ჩემით. სონი." - წერს ფეხბურთელი სოციალურ ქსელში.

ტოტენჰემმა ოფიციალურად დაადასტურა, რომ სამხრეთ კორეელი კარიერას LAFC-ში გააგრძელებს.