მარცხი ბულგარეთში - ყველაფერი აჭარაბეთ არენაზე გადაწყდება

ჩემპიონთა ლიგის პირველ საკვალიფიკაციო ეტაპზე საქართველოს ჩემპიონი დინამო ბათუმი ბულგარეთს ესტუმრა და რაზგრადის ლუდოგორეცს დაუპირისპირდა.

ქართული გუნდი 3-1 დამარცხდა. მასპინძლებმა ორბურთიანი უპირატესობა პირველივე ტაიმში მოიპოვეს.

მე-13 წუთზე ტეპკპეტეიმ, 24-ე წუთზე კი რიკმა შეძლეს გოლების გატანა და კომფორტული სხვაობის მოპოვება.

მატჩის მეორე ნახეარში, კერძოდ 62-ე წუთზე ვლადიმერ მამუჩაშვილმა შეძლო ანგარიშში სხვაობის შემცირება, თუმცა აქედან 10 წუთში ლუდოგორეცმა პირველი ტაიმის სტატუსკვოს აღდგენა მოახერხა და მე-3 გოლიც გაიტანა. გოლის ავტორი ვილტრი გახდა.

საქართველოს ჩემპიონმა პირველი მატჩი 3-1 დათმო, თუმცა ყველაფერი 1 კვირაში ბათუმში, აჭარაბეთ არენაზე გადაწყდება.

განმეორებითი შეხვედრა 17 ივლისს 21:00-ზე გაიმართება.

11 ივლისს კონფერენს ლიგის საკვალიფიკაციო ეტაპზე დინამო თბილისი და ტორპედო ქუთაისი ჩაერთვებიან.

ქართული გუნდები ევროტურნირებზე ასპარეზობას იწყებენ