საქართველოს მოქმედმა ჩემპიონმა, ქუთაისი 2010-მა, ფიბა-ს ევროპის თასის ჯგუფური ეტაპის მე-3 ტურში, ესპანურ ბილბაოს უმასპინძლა და დიდი სხვაობით დამარცხდა - 62:113.
ბასკები მთელი მატჩის განმავლობაში უდიდეს უპირატესობას ფლობდნენ და პირველი მეოთხედი - 16-ქულიანი, მეორე - 18-ქულიანი, ხოლო მეოთხე 15-ქულიანი უპირატესობით მოიგეს. ქუთაისელებმა მათ წინააღმდეგობა მესამე მეოთხედში გაუწიეს, თუმცა ისიც ესპანელთა სასარგებლოდ დასრულდა - 24:22.
იმერელთა მხრიდან ყველაზე შედეგიანი ტაირი ბოიკინი გახლდათ - 14 ქულა, 4 მოხსნა და 1 ასისტი, დეტრეკ ბრაუნინგმა და ნიკოლოზ დარბაიძემ 10-10 ქულა მიითვალეს.
3 ტურის შემდეგ, ქუთაისი 2010-ს სამივე წაგება აქვს. გუნდი შემდეგ თამაშს 4 ნოემბერს, ჩეხეთში, ბრნოს წინააღმდეგ გამართავს.
