რაფა ნადალმა ოლიმპიადაზე პირველი წრის ბარიერი გადალახა.
ესპანელი ვეტერანის მეტოქე უნგრელი მარტონ ფუჩოვიჩი იყო, რომელიც რეიტინგში ამჟამად 83-ე პოზიციას იკავებს.
თამაში საკმაოდ დაძაბული გამოვიდა და 2 საათსა და 32 წუთს გაგრძელდა, რაფამ გამარჯვება სამ სეტში, 6:1 4:6 6:4 მოიპოვა.
ესპანელმა ლეგენდამ 26 ვინერსი ჩააგდო და 24 უნებლიე შეცდომა დაუშვა, მაშინ როდესაც ფუჩოვიჩი მინუსში გავიდა - 22 სუფთად მოგებული ქულა 33 შეცდომის საპირწონედ.
სულ რაფამ ამ მატჩში მეტოქის 4-ჯერ მოახერხა მეტოქის მოწოდების მოგება, თავად კი საკუთარი 2-ჯერ დათმო.
ამ გამარჯვებით ნადალი 1/16 ფინალში გავიდა, სადაც მისი მეტოქე ასევე ლეგენდარული, ოლიმპიადაზე პირველ ნომრად განთესილი ნოვაკ ჯოკოვიჩი იქნება.
ისტორიაში ეს ორი ჩოგბურთელი ერთმანეთს 59-ჯერ დაუპირისპირდა და ჯოკოვიჩი 30-29-ს იგებს, უკანასკნელი შეხვედრა 2022 წლის როლან გაროსის მეოთხედფინალშ შედგა, სადაც ნადალმა ოთხ სეტში შეძლო გამარჯვების მოპოვება.
