ლეგენდარულმა გერმანელმა ფეხბურთელმა, ლოთარ მათეუსმა კარლ-ჰაინც რუმენიგეს განცხადება გააკრიტიკა ფლორიან ვირცის შესახებ.
"მუსიალას კონტრაქტი ახლახანს გახანგრძლივდა და გარიგება 175 მილიონ ევროს შეადგენს, რაც ნამდვილად დიდი ფულია. ამის შემდეგ კი იმის თქმა, რომ ასეთი მოთამაშე არ არის გერმანიაში საუკეთესო ფეხბურთელი, მუსიალასთვის სახეში სილის გარტყმაა.
შეგიძლია თქვა, რომ ვირცის დამატება გინდა, რადგან ის ძალიან კარგი მოთამაშეა, ან ისეთივე კარგია, როგორც მუსიალა, ან მუსიალასგან განსხვავებული ტიპის მოთამაშეა, მაგრამ ასევე მნიშვნელოვანია გუნდისთვის. ვფიქრობ, კალეს (რუმენიგე) ზედმეტი მოუვიდა.
წარმოდგენა არ მაქვს, რატომ თქვა მან ეს, მაქს ებერლი (ბაიერნის სპორტული დირექტორი) ბედნიერი არ იქნება ამით, რადგან ყოველდღიურად მას უწევს ამ საკითხებთან გამკლავება. ეს არ არის კალე, რომელიც მე ვიცი.
გაკვირვებული ვიყავი, როცა ეს წავიკითხე, მაგრამ ვფიქრობ, რომ კალე თავის სტილში ამ საკითხს მოაგვარებს, განსაკუთრებით კლუბის შიგნით." - განაცხადა მათეუსმა.
კარლ-ჰაინც რუმენიგემ განაცხადა, რომ ფლორიან ვირცი გერმანიაში საუკეთესო ფეხბურთელია და ბაიერნს მისი დამატება აუცილებლად სჭირდება.
რუმენიგე: "ბაიერნში ყველა ვთანხმდებით, რომ ვირცი გვჭირდება"
