მბაპე რონალდუს ყველა დროის რეკორდს უახლოვდება

კილიან მბაპე მადრიდის ყველა დროის საუკეთესო ბომბარდირის, კრიშტიანუ რონალდუს შედეგს უმიზნებს.

პორტუგალიელს ერთ კალენდარულ წელიწადში ყველაზე მეტი - 69 გოლი აქვს გატანილი (2013 წელს). თუ მბაპე კარგ სათამაშო ფორმას შეინარჩუნებს და წლის ბოლომდე გოლების სტაბილურად გატანას გააგრძელებს, ამ რეკორდის გამეორების კი არა, გაუმჯობესების შანსიც კი ექნება.

კლუბსა და ნაკრებში კილიან მბაპეს ამ წელს 59 გოლი აქვს გატანილი და რონალდუს რეკორდის გასამეორებლად 10, ხოლო გასაუმჯობესებლად 11 გოლი აქვს გასატანი.

2025 წლის ბოლომდე რეალს 7 მატჩი აქვს დარჩენილი:

ჟირონა (გასვლა)

ბილბაო (გასვლა)

სელტა (სახლი)

მან სიტი (სახლი)

ალავესი (გასვლა)

კოპა დელ რეის 1/16 (გასვლა)

სევილია (სახლი).

სწორედ ეს მატჩები აქვს მბაპეს იმისთვის, რომ 11 გოლი გაიტანოს და რონალდუს ყველა დროის რეკორდიც გააუმჯობესოს.