მბაპემ რეალის ყველა დროის რეკორდი მოხსნა

კილიან მბაპემ ბარსელონასთან მატჩში ჰეთ-ტრიკის გაფორმებით რეალის რეკორდი დაამყარა.

სადებიუტო სეზონში რეალის მაისურით იმდენი გოლი, რამდენიც მბაპეს (39), ისტორიაში არცერთ სხვა ფეხბურთელს არ გაუტანია.

აქამდე აღნიშნული რეკორდი ივან სამორანოს ეკუთვნოდა, რომელმაც რეალის მაისურით სადებიუტო სეზონში 45 მატჩში 37 გოლის გატანა შეძლო.

მბაპემ დღეის ჩათვლით რეალის მაისურით ამ სეზონში 53 მატჩი ჩაატარა და 39 გოლის გატანა მოასწრო, ასევე, ფრანგს 4 საგოლე გადაცემაც აქვს.