მედალი განაღდებულია - ილია სულამანიძე მსოფლიო ჩემპიონატის ფინალშია!

ბაქოში მიმდინარე ძიუდოს მსოფლიო ჩემპიონატზე კაცთა -100 კგ. წონითი კატეგორიის დღეა.

ქართველმა ილია სულამანიძემ 1/2 ფინალში იტალიელი ჯენარო პირელი 45 წამში იპონით დაამარცხა და მინიმუმ ვერცხლის მედალი გაინაღდა.

გადამწყვეტ დაპირისპირებაში ილიას მეტოქე იაპონელი დოტა არაი იქნება.

ფინალური ბლოკი თბილისის დროით 18:00 საათიდან დაიწყება.

რაც შეეხება განვლილ გზას - ილია სულამანიძემ პირველი ეტაპი გამოტოვა და მეორე რაუნდში უნგრელი სომბორ ვეგი დაამარცხა.

1/8 ფინალში ოლიმპიური ვიცე-ჩემპიონი მოლდოველ ვადიმ გიმბოვსჩის დაუპირისპირდა და იუკოთი დაამარცხა.

1/4 ფინალში კი სულამანიძე კი რუს ნიაზ ბილალოვს შეხვდა და ჯერ იუკოთი დაწინაურდა, შემდეგ კი რუსი ბეჭებზე გააკრა და გამარჯვება ნაადრევად მოიპოვა.