ბაქოში მიმდინარე ძიუდოს მსოფლიო ჩემპიონატზე კაცთა -100 კგ. წონითი კატეგორიის დღეა.
საქართველოს სახელით მოასპარეზე ილია სულამანიძემ პირველი ეტაპი გამოტოვა და მეორე რაუნდში უნგრელი სომბორ ვეგი დაამარცხა.
1/8 ფინალში ოლიმპიური ვიცე-ჩემპიონი მოლდოველ ვადიმ გიმბოვსჩის დაუპირისპირდა და იუკოთი დაამარცხა.
1/4 ფინალში კი სულამანიძე რუს ნიაზ ბილალოვს შეხვდა და ჯერ იუკოთი დაწინაურდა, შემდეგ კი რუსი ბეჭებზე გააკრა და გამარჯვება ნაადრევად მოიპოვა.
ილია სულამანიძე მსოფლიო ჩემპიონატის 1/2 ფინალში გავიდა, სადაც იტალიელ ჯენარო პირელის დაუპირისპირდება.
მიმდინარე ტურნირზე საქართველოს ანგარიშზე 3 მედალია - ტატო გრიგალაშვილი (ოქრო), ეთერ ლიპარტელიანი (ვერცხლი) და გიორგი სარდალაშვილი (ბრინჯაო).
