ლეო მესიმ ბარსელონას საპრეზიდენტო არჩევნებში ჟოან ლაპორტას წინააღმდეგ კამპანიაში მონაწილეობა გადაწყვიტა.
გამოცემა ABC-ის ინფორმაციით, არგენტინელი საჯაროდ არცერთ კანდიდატს არ დაუჭერს მხარს, თუ მას გამარჯვების რეალური შანსი არ ექნება.
მესის მიაჩნია, რომ ლაპორტამ მას უღალატა, როცა 2021 წლის ზაფხულში კონტრაქტის გახანგრძლივებას დაპირდა და შემდეგ, ბოლო მომენტში უკან დაიხია.
ამჟამად არსებობს ჯგუფები, რომლებიც ლაპორტას წინააღმდეგ ერთიან ალტერნატივას ქმნიან და ცდილობენ საკუთარ მხარეს ლეო მესის გადაბირებას, რათა გულშემატკივართა უმრავლესობის მხარდაჭერა მოიპოვონ.
ბარსელონაში საპრეზიდენტო არჩევნები 2026 წელს გაიმართება.
