ლიონელ მესიმ 2026 წლის მსოფლიო ჩემპიონატის ფავორიტები დაასახელა.
„უნდა გავაცნობიეროთ, რომ ჩვენს წინ სხვა ფავორიტებიც არიან, რომლებიც უკეთეს ფორმაში მოდიან. საფრანგეთი ისევ ძალიან ძლიერია - ჰყავს უამრავი ფეხბურთელი უმაღლეს დონეზე.
ესპანეთი და ბრაზილია, რომელიც ბოლო პერიოდში საუკეთესო ფორმაში ვერ იყო, მაგრამ ყოველთვის პრეტენდენტია. პორტუგალია - ვფიქრობ, მათაც ძალიან კონკურენტუნარიანი გუნდი ჰყავთ.
როგორ ხვდება არგენტინა მსოფლიო ჩემპიონატს? ჩვენ კარგ ფორმაში შევდივართ. მართალია, ზოგი ფეხბურთელი ტრავმირებულია ან რეგულარულად არ თამაშობს, მაგრამ ყოველ ჯერზე, როცა ეს გუნდი იკრიბება, ამტკიცებს, რომ იბრძვის, გამარჯვება სურს და ყველაფერს აკეთებს მიზნების მისაღწევად.
მსოფლიო ჩემპიონატი ყოველთვის რთულია, რადგან ყველა ნაკრები ძალიან ძლიერია. უნდა ვიოცნებოთ, როგორც ამას ყოველთვის ვაკეთებთ ნებისმიერ ტურნირზე, იქნება ეს კოპა ამერიკა თუ მსოფლიო ჩემპიონატი, მაგრამ ასევე უნდა გვესმოდეს, რომ სხვა გუნდებიც არიან ფავორიტები და შესაძლოა უკეთეს მდგომარეობაში შეხვდნენ ტურნირს." - განაცხადა არგენტინელმა.
,,ეს ლამაზი სპორტული მეტოქეობა იყო" - მესი რონალდუსთან დაპირისპირებაზე
