მესის წარმოუდგენელი მიღწევა

ლეო მესიმ ინდივიდუალურ დუელში მორიგი ისტორიული მიღწევა გაიფორმა.

ინტერ მაიამის შემადგენლობაში კოლამბუს კრიუსთან გატანილი ბურთით, არგენტინელმა კარიერაში საჯარიმო დარტყმით გატანილი გოლების რაოდენობა 76-მდე გაზარდა, მაშინ როდესაც კრიშტიანუ რონალდუს ანგარიშზე 64 გოლია.

ათი წლის წინ, 2016 წელს, ამ მაჩვენებლით პორტუგალიელი საგრძნობლად ლიდერობდა (50:32). თუმცა, გასულ წლებში მესიმ 44 ჯარიმა გაიტანა, რონალდუმ კი მხოლოდ 14, რამაც არგენტინელს 12-გოლიანი უპირატესობა მოუტანა.

მესის 2026 წელს საჯარიმო დარტყმებით უკვე 6 გოლი აქვს გატანილი. მას ყველა დროის აბსოლუტურ რეკორდამდე, რომელიც მარსელინიო კარიოკას (78 გოლი) ეკუთვნის, მხოლოდ 2 გოლიღა აშორებს.