მეტელკინა-ბერულავას წყვილმა მოკლე პროგრამაში მეორე ადგილი დაიკავა

ანასტასია მეტელკინასა და ლუკა ბერულავას წყვილმა მოკლე პროგრამაში ბრწყინვალედ იასპარეზა და მეორე საუკეთესო შეფასება დაიმსახურა.

ფიგურულ ციგურაობაში მილანი/კორტინას ზამთრის ოლიმპიურ თამაშებზე მედლებისთვის ბრძოლას 19 წყვილი შეუდგა, მათ შორის არის ევროპის მოქმედი ჩემპიონი ანასტასია მეტელკინას და ლუკა ბერულავას წყვილი, რომელიც მოკლე პროგრამაში ასპარეზობას ბოლო, მეხუთე ჯგუფიდან შეუდგა.

მეტელკინა/ბერულავას სპორტულმა წყვილმა მოკლე პროგრამა დიდებულად შეასრულა და მსაჯებისგან 75.46-ქულიანი შეფასება დაიმსახურა. ამ შედეგით ისინი, პირველ ადგილზე გასული გერმანელების შემდეგ, ჩემპიონობის მთავარ პრეტენდენტად განიხილებიან.

ამის თქმის საბაბს იძლევა, მოკლე პროგრამაში დაკავებული მეორე ადგილი, რაც ოლიმპიურ თამაშებზე ქართველ მოციგურავეთაგან საუკეთესო შედეგია.

წყვილთა შეჯიბრებაში მედლები 16 თებერვალს, თავისუფალი პროგრამის შედეგების გათვალისწინებით გათამაშდება.

ფოტო: საქართველოს ეროვნული ოლიმპიური კომიტეტი