ფრე ყირგიზებთან - სპაერი ახალი სეზონისთვის მზადებას აგრძელებს

ეროვნული ლიგის აბსოლუტურმა დებიუტანტმა, სპაერმა ყირგიზულ ილბირსთან ამხანაგური შეხვედრა გამართა.

გუნდებმა ერთმანეთს თითო-თითო გოლი გაუტანეს და ყაიმით დაშორდნენ. თბილისელთაგან თავი თამაზ ცეცხლაძემ გამოიჩინა.

ანზორ კიღურაძის გუნდმა აქამდე რუსთავთან ითამაშა და ის თამაშიც ფრედ დაასრულა - 2:2.

სპაერი კიდევ 2 ამხანაგურ შეხვედრას ჩაატარებს, ორივეს 17 თებერვალს და ორივეს უზბეკურ კლუბთან - ჯერ ლოკომოტივ ტაშკენტს დაუპირისპირდებიან, შემდეგ - ფახთაქორს.

საქართველოს თასის 2024 წლის გამარჯვებული ეროვნული ლიგის ახალ სეზონს 28 თებერვალს, ტორპედო ქუთაისთან გასვლითი მატჩით იწყებს.