ვილიარეალის ქართველმა ფეხბურთელმა, გიორგი მიქაუტაძემ DAZN-ს ინტერვიუ მისცა.
სრული ვერსიის გამოქვეყნებამდე, პლატფორმამ მოკლე ვიდეო გაავრცელა, სადაც ჩვენებური პარი სენ-ჟერმენთან 0:6 წაგებულ მატჩს აფასებს.
მიქაუტაძის თქმით, ეს ძალიან რთული დაპირისპირება იყო, თუმცა გუნდმა მუშაობა უნდა გააგრძელოს, შეცდომები გააანალიზოს და მძიმე მარცხი წარსულში რაც შეიძლება სწრაფად დატოვოს.
ჟურნალისტის კითხვაზე, თუ რამ მოახდინა მასზე ყველაზე დიდი შთაბეჭდილება პარიზული გუნდის თამაშში, გიორგიმ ბურთის მოპოვების შემდეგ შეტევაში სწრაფი გადასვლა და გოლის გატანის უნარი დაასახელა. ქართველმა აღნიშნა, რომ ასეთი დონის მეტოქის წინააღმდეგ სასტარტო შემადგენლობაში თამაში ძალიან სურდა, თუმცა გადაწყვეტილება მწვრთნელმა მიიღო.
სათადარიგოთა სკამზე უკვე რამდენჯერმე დავრჩი, მე კი მინდა, ძირითადი შემადგენლობის უცვლელი წევრი ვიყო და ვაჩვენო, რომ ასეთი მატჩების სასტარტოში დაწყება შემიძლია. ახლა ჩემზეა დამოკიდებული, შრომა გავაგრძელო და დავამტკიცო, რომ მთავარი მწვრთნელი ცდება, როდესაც სათადარიგოთა სკამზე მტოვებს
