კომოს მთავარმა მწვრთნელმა, სესკ ფაბრეგასმა, სერია A-ს 24-ე ტურში მილანთან ფრის (1:1) შემდეგ, მეტოქე გუნდის ნახევარმცველის, ლუკა მოდრიჩის მისამართით საქებარი სიტყვები არ დაიშურა.
მიუხედავად იმისა, რომ 38 წლის ფაბრეგასი და 40 წლის მოდრიჩი თითქმის ერთი თაობის წარმომადგენლები არიან, ესპანელი სპეციალისტი ხორვატი ლეგენდის ფორმით აღფრთოვანებული დარჩა:
„მისი თამაშის ყურება დიდი სიამოვნებაა. 40 წლის ასაკში ის ასეთ დონეზე ასპარეზობს. ჩვენ ვცადეთ მისი დაპრესინგება და შევიწროვება, მაგრამ მას ეს საერთოდ არ ადარდებდა.
მადლობა უნდა გადავუხადოთ მას იმისთვის, რომ ჩვენთან ერთად არის სერია A-ში და შეგვიძლია მისი თამაშით დავტკბეთ!“ – განაცხადა ფაბრეგასმა.
