საქართველოს ნაკრებმა 2026 წლის მსოფლიო ჩემპიონატის შესარჩევი ეტაპი ბულგარეთში მარცხით დაასრულა. ჩვენი გუნდი ჯგუფის ბოლოადგილოსანთან 1:2 დამარცხდა.
მატჩის შემდეგ, ოთარ კიტეიშვილმა ჟურნალისტებთან კომენტარი გააკეთა და თამაში შეაფასა.
"მიზეზები რა არის, არც ჩვენ ვიცით და სწორედ მათ ძიებაში ვართ. ძნელია, თქვა რა არის მიზეზი. წაგება დავიმსახურეთ, რადგან არ გვაქვს საკმარისი ხარისხი და არაა საკმარისი ჯამში ის, რასაც მოედანზე ვაკეთებთ. გამოსავალი ისაა, რომ ამ ყველაფერზე ვიმუშაოთ და გამოვასწოროთ.
ქომაგებს დიდი მადლობა, ბულგარეთის ნაკრები სახლში თამაშობდა, მაგრამ მათი ხმა გვესმოდა და თითოეულ მათგანს დიდი მადლობა ეკუთვნის", - თქვა კიტეიშვილმა.
საქართველოს ნაკრებმა შესარჩევი ეტაპის 6 ტურში მხოლოდ 3 ქულა აიღო და ბოლოსწინა, მე-3 ადგილზე გავიდა. ჯვაროსნებმა შინ ბულგარეთს 3:0 მოუგეს, დანარჩენ 5-ვე თამაშში კი დამარცხდნენ.
