ფიბა ევრობასკეტის ოფიციალურმა გვერდმა საქართველოს ნაკრებთან და კონკრეტულად გოგა ბითაძესთან დაკავშირებით პოსტი გამოაქვეყნა.
"მობილიზება ევრობასკეტ 2025-სთვის. გოგა ბითაძემ დაადასტურა თავისი მიზანი, რომ ამ ზაფხულში საქართველოსთვის ითამაშოს." - წერია პოსტში.
საქართველოს ნაკრები ევრობასკეტზე C ჯგუფში მოხვდა, სადაც ესპანეთს, საბერძნეთს, იტალიას, ბოსნიასა და კვიპროსს დაუპირისპირდება.
ამ ჯგუფის მატჩები კვიპროსის ქალაქ ლიმასოლში გაიმართება. ევრობასკეტი 27 აგვისტოს დაიწყება და 14 სექტემბრამდე გაგრძელდება.
საქართველოს ნაკრების კალენდარი:
საქართველო - ესპანეთი (28 აგვისტო)
იტალია - საქართველო (30 აგვისტო)
საქართველო - საბერძნეთი (31 აგვისტო)
კვიპროსი - საქართველო (2 სექტემბერი)
ბოსნია და ჰერცეგოვინა - საქართველო (4 სექტემბერი)
