საქართველოს ეროვნული ლიგის დასრულებამდე 4 ტურია დარჩენილი.
იბერია 33 მატჩში მოპოვებული 60 ქულით ჩემპიონატის ლიდერია, თუმცა საჩემპიონო ბრძოლა უკიდურესად დაძაბულია.
21 ნოემბერს, თბილისური გუნდი სტუმრად სამგურალს დაუპირისპირდება. გამარჯვების შემთხვევაში, იბერია ცხრილში 63 ქულას დააგროვებს და ლიდერობას შეინარჩუნებს, თუმცა კონკურენტებს დამატებითი მატჩი ექნებათ ჩასატარებელი.
ამასთან, აღსანიშნავია ისიც, რომ ჩემპიონობისთვის მებრძოლ გუნდებს, იბერიასა და დინამო ბათუმს, ურთიერთშეხვედრა აქვთ დარჩენილი.
იბერიას მხოლოდ 3 მატჩი დარჩა, ხოლო მის უშუალო კონკურენტებს - 4-4. შესაბამისად, თბილისური გუნდი ქულების დაკარგვის შემთხვევაში შესაძლოა კონკურენტებზე დამოკიდებული გახდეს.
ამასთან, იბერიას დარჩენილი 3 მატჩის მოგების შემთხვევაშიც კი ჩემპიონობა გარანტირებული არ ექნება, რადგან დინამო თბილისს დარჩენილ ოთხივე შეხვედრაში გამარჯვების შემთხვევაში 70 ქულის დაგროვება შეუძლია.
სამგურალთან გამარჯვება იბერიასთვის საჩემპიონო ბრძოლაში უაღრესად მნიშვნელოვანია. 3 ქულა გუნდს პირველ ადგილს შეუნარჩუნებს და სეზონის ბოლო 2 შეხვედრამდე პოზიციებს გაუმყარებს, თუმცა ჩემპიონობის ბედი კვლავ კონკურენტების შედეგებზეც იქნება დამოკიდებული.
სამგურალისა და იბერიას მატჩი 21 ნოემბერს, 14:00 საათზე დაიწყება.