ეროვნული ლიგა 2-ის სეზონის დასრულებამდე 4 ტურით ადრე ბომბარდირთა რბოლაში საინტერესო ვითარებაა.
სამტრედიას კოსტა რიკელმა ფორვარდმა, ხულენ კორდერო გონსალესმა 1 გოლით გადაასწრო ოდიშის გამოცდილ შემტევ ოთარ კვერნაძეს, რომელმაც ზუგდიდელთა ძირითადში ადგილი დაკარგა და ჩემპიონატის მეორე წრეში მხოლოდ ორი გოლი აქვს გატანილი.
კვერნაძის ამ შედეგის ფონზე, 25 წლის კორდერო გონსალესმა აგვისტოდან მოყოლებული 9 გოლი შეაგდო და ბომბარდირობის კარგი შანსი აქვს.
1. ხულენ კორდერო გონსალესი (სამტრედია) - 13 გოლი;
2. ოთარ კვერნაძე (ოდიში 1919) - 12 გოლი;
3. ჯავოხირ ესონკულოვი (მერანი მარტვილი) - 9 გოლი;
4. გიორგი ნიქაბაძე (თელავი) - 9 გოლი;
5. თემურ ოდიკაძე (სამტრედია) - 9 გოლი.
ხულენ კორდერო კოსტა რიკის ყველაზე ტიტულოვანი კლუბის, კაპრისას აღზრდილია და მის რიგებში 2017-24 წლებში თამაშობდა, სამტრედიას მაისური კი 2025 წლის ივლისიდან აცვია.
უნდა ითქვას ისიც, რომ საზაფხულო შესვენების შემდეგ კორდეროს სამტრედია ლიგა 2-ის საუკეთესო გუნდია და შესაძლო 39-დან 30 ქულა აქვს მოპოვებული, რაც დროის აღნიშნულ მონაკვეთში ყველაზე მაღალი შედეგია.
რაც შეეხებათ ლიგა 2-ის საუკეთესო ასისტენტებს, 5-5 საგოლე პასით, ამ სტატუსს ოთხი ფეხბურთელი ინაწილებს - ლეო სილვა (სიონი ბოლნისი), გიორგი კურმაშვილი (გორი), თორნიკე ბზეკალავა (არაგვი დუშეთი) და გიორგი ომარაშვილი (შტურმი სართიჭალა).
დიდი ნაბიჯი უმაღლესისკენ - რა შეიცვალა ეროვნული ლიგა 2-ის ცხრილში?