უეფას ჩემპიონთა ლიგის ბოლო ტურის წინ, ბენფიკას მთავარმა მწვრთნელმა, ჟოზე მოურინიომ პრესკონფერენციაზე მადრიდის რეალზე, ალვარო არბელოასა და ჩაბი ალონსოზე ისაუბრა.
"არბელოა ჩემთვის შვილივითაა, ის უბრალოდ ჩემი ყოფილი მოთამაშე არ არის. ის პირადად ჩემი ერთ-ერთი ფავორიტი მოთამაშეა. ის არ იყო საუკეთესო ფეხბურთელი, რომელიც მადრიდში მყავდა, მაგრამ ის ერთ-ერთი საუკეთესო ადამიანი იყო.
იმედი მაქვს, არბელოასთვის ყველაფერი კარგად იქნება. მინდა, სადაც არ უნდა იყოს, ყველაფერი გამოუვიდეს. მინდა, რომ რეალმაც ნებისმიერ მწვრთნელთან ერთად წარმატებას მიაღწიოს და მითუმეტეს რეალს არბელოასთან ერთად მინდა, რომ ყველაფერი გამოუვიდეს.
მიყვარს რეალი და ალვარო, თუმცა ვიმედოვნებ, რომ ჩვენთან არაფერი გამოუვათ.
გამიკვირდა თუ არა ჩაბი ალონსოს გაშვება? ჩაბი კიდევ ერთი ჩემი ბიჭია. მასთან მხოლოდ პოზიტიური მოგონებები მაქვს. ჩაბის წინააღმდეგ თამაშით აღტაცებული ვიყავი, ისევე როგორც ალვაროს წინააღმდეგ ვარ.
რაც მან ლევერკუზენში გააკეთა საოცარი იყო. რა მოხდა რეალში არ მაინტერესებს.
ფეხბურთში არაფერი მაკვირვებს. დარწმუნებული ვარ, მისი კარიერა განსხვავებული მიმართულებით წავიდა და ის ძალიან ბედნიერი იქნება. ის დიდებული მწვრთნელია." - განაცხადა პორტუგალიელმა სპეციალისტმა.
ლიგის ფაზის ბოლო ტურში ჟოზე მოურინიოს ბენფიკა ესტადიო და ლუჟზე მადრიდის რეალს მიიღებს.
ვის რა სჭირდება? ჩემპიონთა ლიგის გადამწყვეტი ტური| ყველა მატჩი ერთად
