მსოფლიო ფეხბურთმა უდიდესი ლეგენდა დაკარგა - 66 წლის ასაკში იტალიის ნაკრებისა და მილანის ყოფილი ცენტრალური მცველი, ფრანკო ბარეზი გარდაიცვალა.
გასულ წელს ლეგენდარულ ფეხბურთელს ფილტვზე ოპერაცია ჩაუტარდა.
ფრანკო ბარეზი იტალიის ეროვნულ ნაკრებთან ერთად 1982 წელს მსოფლიო ჩემპიონი გახდა, 1994 წელს - ვიცე-ჩემპიონი, ხოლო 1990 წელს მსოფლიოს, 1988 წელს კი ევროპის ჩემპიონატის ბრინჯაოს პრიზიორი. ეროვნულ გუნდში მან 81 მატჩი ჩაატარა.
ბარეზი მთელი კარიერის განმავლობაში (1972-1997 წლებში) მხოლოდ მილანის ღირსებას იცავდა. როსონერის შემადგენლობაში მან 6-ჯერ მოიგო იტალიის სერია A, 3-ჯერ ჩემპიონთა ლიგა (ევროპის ჩემპიონთა თასი), 3-ჯერ უეფას სუპერკასტელი, 4-ჯერ იტალიის სუპერთასი და 2-ჯერ საკონტინენტთაშორისო თასი.
მილანში მისი ღვაწლის ნიშნად, 6-ნომრიანი მაისური სამუდამოდ მიმოქცევიდანაა ამოღებული.
