მსოფლიოს საუკეთესო ახალგაზრდა ფეხბურთელები [TOP 10]

გაზეთმა Tuttosport-მა, Transfermarkt-თან პარტნიორობით, წლის საუკეთესო ახალგაზრდა ფეხბურთელის ჯილდოს, Golden Boy-ს ფავორიტთა რეიტინგი შეადგინა.

აღსანიშნავია, რომ სწორედ ეს იტალიური გამოცემაა აღნიშნული ჯილდოს დამფუძნებელი.

სიაში სულ 100 ფეხბურთელი შევიდა. პირველი ადგილი ბარსელონას ვინგერმა, ლამინ იამალმა დაიკავა, თუმცა მან ეს ჯილდო უკვე მოიგო 2024 წელს და არსებული წესების გამო პრიზზე ხელახლა პრეტენზიას ვეღარ განაცხადებს. ხაზგასმით აღინიშნება, რომ ეს არ არის ნომინანტთა საბოლოო სია, არამედ ამ მომენტისთვის არსებული ფავორიტების რეიტინგია.

პირველი ათეული ასე გამოიყურება:

1. 1. ლამინ იამალი (ბარსელონა) (ჯილდოს ხელახლა მოგება არ შეუძლია 2024 წლის გამარჯვების გამო);

2. 2. უორენ ზაირ-ემერი (პსჟ);

3. 3. პაუ კუბარსი (ბარსელონა);

4. 4. იან დიომანდე (ლეიპციგი);

5. 5. ესტევაო (ჩელსი);

6. 
   

7. 6. აიუბ ბუადი (ლილი);

8. 7. ლენარტ კარლი (ბავარია);

9. 8. ვიქტორ ფროჰოლდტი (პორტუ);

10. 9. ჯორელ ჰატო (ჩელსი);

11. 10. ლუკა ვუშკოვიჩი (ჰამბურგი).

სხვა ცნობილი მოთამაშეებიდან მე-11 ადგილზე გავიდა ენდრიკი (ლიონი, იჯარით რეალიდან), მე-12 პოზიცია დაიკავა ვიტორ რეისმა (ჟირონა, იჯარით მანჩესტერ სიტიდან), მე-13 - სანი მაიულუმ (პსჟ), მე-16 - კეს სმიტმა (აზ), 22-ე - მარკ ბერნალმა (ბარსელონა), 24-ე - მაილზ ლუის-სკელიმ (არსენალი), 34-ე - ჯანლუკა პრესტიანიმ (ბენფიკა), 36-ე - ფრანკო მასტანტუონომ (რეალი), 44-ე - ტიაგო პიტარჩმა (რეალი), 51-ე - მაკ დოუმანმა (არსენალი), 67-ე - დრო ფერნანდესმა (პსჟ), ხოლო 99-ე ადგილზე ეთან მბაპე (ლილი) გავიდა.