მწვრთნელების ცვლილება სერია ა-ში - ვინ წავიდა და ვინ მოვიდა?

იგორ ტუდორი, პატრიკ ვიეირა და სტეფანო პიოლი ერთი კვირის ინტერვალით მას შემდეგ გაათავისუფლეს, რაც სერია ა-ს კლუბებმა სეზონის პირველი 6 ტური მწვრთნელის ცვლილების გარეშე ჩაატარეს, რაც ბოლო რვა წლის განმავლობაში პირველად მოხდა.

ბოლო 2 კვირაში სერია ა-ს სამმა კლუბმა - იუვენტუსმა, ჯენოამ და ფიორენტინამ - იმედგამაცრუებული სტარტის შემდეგ თავიანთი მწვრთნელები შეცვალეს.

იუვენტუსში იგორ ტუდორი ლუჩიანო სპალეტიმ ჩაანაცვლა, რომელმაც უკვე 3 მატჩის ჩატარება მოასწრო. ბიანკონერმი სტუმრად კრემონეზე 1-2 დაამარცხა, სპორტინგთან (1-1) და ტორინოსთან (0-0) კი თითო ქულა მოიპოვა.

ჯენოაში პატრიკ ვიეირას ნაცვლად დანიელე დე როსი დაინიშნა, ფიორენტინაში კი სტეფანო პიოლი პაოლო ვანოლიმ შეცვალა.

სერია ა-ს გასულ ტურში ერთმანეთს სწორედ ჯენოა და ფიორენტინა დაუპირისპირდნენ, მწვრთნელების სადებიუტო შეხვედრა 2-2 დასრულდა.

იუვენტუსი 11 ტურის შემდეგ სატურნირო ცხრილში 19 ქულით მე-6 ადგილზეა და ლიდერებს, ინტერსა და რომას 5 ქულით ჩამორჩება.

ჯენოა და ფიორენტინა კი გასავარდ ზონაში იმყოფებიან. გენუელები 7 ქულით მე-18 პოზიციას იკავებენ, ფლორენციელები კი 5 ქულით ბოლო ადგილზე არიან.

სულ ბოლოს კი ატალანტამ ივან იურიჩი გაათავისუფლა, რომლის მაგივრადაც ბერგამოულ გუნდში უკვე ოფიციალურად რაფაელე პალადინო დაინიშნა.