მადრიდის რეალის პრეზიდენტობის კანდიდატმა და ფლორენტინო პერესის კონკურენტმა, ენრიკე რიკელმემ განაცხადა, რომ გუნდის მომავალი მწვრთნელი უკვე შეთანხმებული ჰყავს.
„ამ შაბათიდან ჩვენ დავიწყებთ ჩვენი საფეხბურთო პროექტის გახმაურებას. დავასახელებთ სახელებს.
ზოგიერთი ფეხბურთელი, ვისთანაც შეთანხმებას მივაღწიე, უდავოდ თამაშის შემცვლელია. ხალხმა ყურადღება უნდა მიაქციოს, რადგან ისინი გულშემატკივრებს დიდ სიამოვნებას და აღფრთოვანებას მოუტანენ.
მადრიდის რეალისთვის მწვრთნელი უკვე შეთანხმებული მყავს.
წარმოშობა? ეროვნებაზე ნუ ვისაუბრებთ, გამოცდილებაზე ვილაპარაკოთ.
ჩვენ ექსპერიმენტებს არ ვაპირებთ. მოვიყვანთ გამოცდილ მწვრთნელსა და სამწვრთნელო შტაბს, რომლებსაც მადრიდის რეალი აქამდე არასოდეს გაუწვრთნიათ, და დარწმუნებული ვარ, რეალი ძალიან აღფრთოვანებული იქნება მათი აქ ხილვით.“ - განაცხადა რიკელმემ.
სამეფო კლუბის საპრეზიდენტო არჩევნები 7 ივნისს გაიმართება, სადაც გაირკვევა რეალის პრეზიდენტი კვლავ ფლორენტინო პერესი იქნება, თუ მის მმართველობას ენრიკე რიკელმე დაასრულებს.
