ლეგენდარულმა ესპანელმა ჩოგბურთელმა რაფაელ ნადალმა სოციალურ ქსელში პოსტი გამოაქვეყნა.
"მოგესალმებით ყველას, დღეს ვწერ, რომ გაგაგებინოთ ჩემი გადაწყვეტილების შესახებ, არ მივიღო მონაწილეობა წლევანდელ ამერიკის ღია პირველობაზე - ადგილი, რომელტანაც საოცარი მოგონებები მაკავშირებს.
მომენატრება ნიუ იორკის განსაკუთრებული ღამის სესიები, მაგრამ არ ვფიქრობ, რომ ახლა ჩემი 100%-ის გაღება შემიძლია.
განსაკუთრებული მადლობა ჩემს ყველა ამერიკელ გულშემატკივარს, მომენატრებით და სხვა დროს გნახავთ.
წარმატებები ყველას საოცარ US Open-ზე.
ჩემი შემდეგი ღონისძიება ლეივერის თასი იქნება ბერლინში." - წერს 38 წლის ნადალი.
ესპანელმა ლეგენდამ პარიზის ოლიმპიადაზე როგორც ერთეულთა ისე წყვილთა თანრიგში იასპარეზა.
1/16 ფინალში მან ოლიმპიურ ჩემპიონ ნოვაკ ჯოკოვიჩთან 2 სეტში წააგო, წყვილებში კი კარლოს ალკარასთან ერთად 1/4 ფინალში ამერიკულ დუეტთან - კრაიჩეკი/რამთან ასევე 2 სეტში დათმო შეხვედრა.
რაფა ნადალი ამერიკის ღია პირველობის 4-გზის გამარჯვებულია. US Open სტარტს 26 აგვისტოს აიღებს და 8 სექტემბრამდე გაგრძელდება. ტურნირის მოქმედი გამარჯვებული ნოვაკ ჯოკოვიჩია, რომელმაც ფინალში დანილ მედვედევი დაამარცხა 3 სეტში.
