ლუის დე ლა ფუენტემ ბარსელონას მწვრთნელთან უთანხმოებაზე ისაუბრა.
ჰანსი ფლიკმა სექტემბრის მატჩებში ლამინ იამალის მონაწილეობით უკმაყოფილება გამოთქვა და აღნიშნა, რომ ფეხბურთელები უფრო მეტ გაფრთხილებას იმსახურებენ. სწორედ ამ მატჩებში იამალმა ტრავმა გაიმიზეზა, რის გამოც ბარსას რამდენიმე თამაშში ვერ დაეხმარა.
ბარსელონა ადასტურებს - ესპანეთს იამალი გამოაკლდა
თავიდან, როცა დე ლა ფუენტეს ფლიკის კომენტარზე აზრი ჰკითხეს, ესპანელმა ასე უპასუხა: "არ მახსოვს, რა თქვა ფლიკმა და დიდად არც მაინტერესებს."
დღეს, სპეციალისტს კიდევ ერთხელ სთხოვეს ამაზე კომენტარის გაკეთება:
„სამშობლოში ვიყავი და შესანიშნავად ვატარებდი დღეს. ფლიკთან არანაირი კონფლიქტი არ მაქვს, უბრალოდ გამიკვირდა ეს განცხადება მისგან, იმიტომ რომ წარსულში ის თავადაც ნაკრების მწვრთნელი იყო და მეგონა, ჩემს აზრებს იზიარებდა. გამიკვირდა, რომ ნაკრების ყოფილ მწვრთნელს ასეთი აზრი შეიძლება ჰქონდეს.
მატჩის დასრულების შემდეგ იამალს რაღაც დისკომფორტი ჰქონდა, მაგრამ მე პირადადაც არასდროს არ მითამაშია დისკომფორტის გარეშე." - აღნიშნა დე ლა ფუენტემ.
ესპანეთის ნაკრების თავკაცმა იამალი ოქტომბრის მატჩებისთვისაც გამოიძახა, თუმცა ფეხბურთელს ტრავმა აღმოაჩნდა და ის კლუბის განკარგულებაში დარჩება.
