სანდრო ნარიმანიძის ჟილინა სლოვაკეთის თასის ფინალში გავიდა.
1/2 ფინალური ეტაპის განმეორებით მატჩში, შინ მოგებული 2:0-ის შემდეგ, ჟილინამ პოდბრეჟოვასთან სტუმრად 1:1 ითამაშა და სატიტულო შეხვედრაში ასპარეზობის უფლება მოიპოვა.
20 წლის ქართველი ცენტრალური მცველი, ტრადიციულად, ძირითად შემადგენლობაში იყო და მოედანზე 90 წუთი გაატარა. მიმდინარე სეზონში ჯამურად 29 საკლუბო შეხვედრაში აქვს მონაწილეობა მიღებული.
ჟილინა სლოვაკეთის თასის 2011 წლის გამარჯვებულია, 4-ჯერ კი ფინალში დამარცხდა - ბოლოს 2021 წელს. შესაბამისად, სატიტულო მატჩში 5 წლის შემდეგ პირველად ითამაშებს.
ნარიმანიძის გუნდის მეტოქე ფინალში გაირკვევა დღეს, როცა კოშიცე და პრეშოვი განმეორებით შეხვედრას ჩაატარებენ - პირველი 2:2 დასრულდა.
