ნიკი: "საუკეთესო რამ, რაც იუნაიტედმა გააკეთა, მისი გაყიდვაა"

ალეხანდრო გარნაჩო ჩელსის სულ რამდენიმე თვის წინ მანჩესტერ იუნაიტედიდან 40 მილიონად შეუერთდა.

გარნაჩო რუბენ ამორიმმა ოლდ ტრაფორდიდან მისი რთული ხასიათისა და დამოკიდებულების გამო გაუშვა. 21 წლის ფეხბურთელმა ვერც ენცო მარესკას და ვერც ლიამ როსენიორის მწვრთნელობისას მოახდინა შთაბეჭდილება. მან პრემიერ ლიგის 22 მატჩში მხოლოდ ერთი გოლის გატანა შეძლო.

ნიკი ბატი, რომელიც იუნაიტედის აკადემიას ხელმძღვანელობდა, როდესაც გარნაჩო გუნდს 16 წლის ასაკში შეუერთდა, ამბობს, რომ პრობლემები თავიდანვე ჩანდა:

საუკეთესო რამ, რაც მანჩესტერ იუნაიტედმა გააკეთა, მისი გაყიდვაა... ვფიქრობ, მისი დამოკიდებულება სამარცხვინო იყო. მან სუპერვარსკვლავის სტატუსი ზედმეტად ნაადრევად მიიღო. გარნაჩომ ფენომენალური მაკრატელა გაიტანა, მაგრამ ვიღაცას ის მიწაზე უნდა დაეშვა.

ბატის თქმით, გარნაჩოს უპატივცემულობა თანაგუნდელებისა და კლუბის მიმართ აშკარა იყო. მან ასევე აღნიშნა, რომ ძველ დროს, ასეთი ხასიათის გამო, ვარჯიშებზე თანაგუნდელები მას მკაცრად მოექცეოდნენ, რაც მას ჭკუას ასწავლიდა.

ბატი:

ბოლო ინტერვიუში მან თქვა: 'ვფიქრობდი, რომ ყველა მატჩი უნდა მეთამაშა'. მე კი ვფიქრობდი: ჯერ ერთი, ასეთი კარგიც არ ხარ და მეორეც - ახალგაზრდა ხარ, იყავი თავმდაბალი. თუმცა, მისი ყველაზე დიდი ძალა ის არის, რომ ფსიქოლოგიურად ძალიან ძლიერია და საკუთარი თავის წარმოუდგენლად სჯერა.