კომოს ნახევარმცველი, ნიკო პასი, ჯენოასთან მოგებული მატჩის დროს მიღებული თავის ტრავმის გამო საავადმყოფოში გადაიყვანეს.
21 წლის არგენტინელმა პირველ ტაიმში მეტოქესთან შეჯახების შემდეგ მხედველობის სერიოზული პრობლემები იგრძნო, რის გამოც სესკ ფაბრეგასმა ის შესვენებაზე შეცვალა.
მატჩის შემდეგ ფაბრეგასმა დაადასტურა, რომ ფეხბურთელის ჯანმრთელობა პრიორიტეტული იყო:
ნიკო უკეთესადაა, ის საავადმყოფოშია და იქ აკვირდებიან. მას მხედველობა დაეუბრალა და ნორმალურად ვეღარ ხედავდა. ნებისმიერ შემთხვევაში, ჩვენთვის მნიშვნელოვანია გუნდში სხვადასხვა გამოსავლის პოვნა შეგვიძლია
საბედნიეროდ, კვლევებმა სერიოზული დაზიანება არ გამოავლინა და პასმა საავადმყოფო მალევე დატოვა. ნიკო პასი მიმდინარე სეზონში კომოს ნამდვილი აღმოჩენაა. მის ანგარიშზე 13 გოლი და 8 საგოლე გადაცემაა.
ფეხბურთელის პროგრესს ყურადღებით აკვირდება მადრიდის რეალი, რომელსაც მისი გამოსყიდვის 9-მილიონიანი უფლება აქვს. გავრცელებული ინფორმაციით, ესპანური გრანდი ამ პუნქტის გამოყენებას ზაფხულის სატრანსფერო ფანჯრის დროს გეგმავს.
