მადრიდის ატლეტიკოს მეკარემ, იან ობლაკმა ბარსელონასთან 1:3 წაგებული თამაში შეაფასა.
„ბოლოსკენ ორი ისეთი მომენტი გვქონდა, რომლითაც შეგვეძლო ფრე დაგვემთავრებინა თამაში. საბოლოოდ უქულოდ მივდივართ და ჩვენი კარგი სერიაც დამთავრდა. თუმცა, წინსვლა უნდა გავაგრძელოთ, თავი არ ჩავხაროთ და მხოლოდ წინ ვიყუროთ.
ბარსელონამ შესანიშნავი მატჩი ჩაატარა და რამდენიმე ხელსაყრელი მომენტი თავადაც გაანიავა. ბევრს ვცდილობდით, ჩვენი მომენტები გვქონდა, რომელიც სამწუხაროდ ვერ გამოვიყენეთ.
საბოლოოდ ბევრი წვალება მოგვიწია. მათი პასები ცენტრიდან ზედმეტად ადვილად გადიოდა. ამაზე მატჩის წინაც ვლაპარაკობდით, თუმცა მათი დონის გათვალისწინებით, თავისუფალი სივრცეების მოძიებას მაინც ახერხებდნენ.
მათ ცენტრალურ და ფლანგის მცველებს შორის პასებით ძალიან გაგვაწამეს." - აღნიშნა სლოვენიელმა მეკარემ.
