ზედიზედ მეხუთედ - რეალი ყველაზე ძვირადღირებული საფეხბურთო კლუბია

მადრიდის რეალი უკვე ზედიზედ მე-5 წელია და ბოლო 13 გამოცემიდან მეათედ Forbes-ის რეიტინგის მიხედვით მსოფლიოს ყველაზე ძვირადღირებული საფეხბურთო კლუბია.

მისი ღირებულება 9.5 მილიარდ დოლარს შეადგენს, რაც მე-2 ადგილზე მყოფ კლუბზე 2 მილიარდი დოლარით მეტია. ეს პრესტიჟული გამოცემა თავის ყოველწლიურ ანგარიშში აღნიშნავს, რომ გასულ წელთან შედარებით რეალის ღირებულება 41%-ით გაეზარდა.

Forbes ხაზს უსვამს, რომ 2024/2025 წლების სეზონში რეალმა 1.265 მილიარდი დოლარის შემოსავალი მიიღო, რაც წინა წელთან შედარებით 12%-ით მეტია.

ეს მაჩვენებელი აღემატება NFL-ის კლუბ დალას კოვბოისის მიერ გენერირებულ 1.230 მილიარდ დოლარს, რის შედეგადაც რეალი გახდა სპორტული კლუბი, რომელსაც Forbes-ის ისტორიაში ყველაზე მაღალი შემოსავალი დაუფიქსირდა.

თავის ანგარიშში გამოცემა ასევე აღნიშნავს:

მადრიდის რეალი აერთიანებს უპრეცედენტო სპორტულ წარმატებასა და მსოფლიო ფეხბურთში ერთ-ერთ ყველაზე ცნობად ბრენდს.

კლუბს ჩემპიონთა ლიგა უფრო მეტჯერ აქვს მოგებული, ვიდრე ნებისმიერ სხვა გუნდს, და მისი ვარსკვლავი ფეხბურთელების, გლობალური კომერციული მიმზიდველობისა და სანტიაგო ბერნაბეუს სტადიონის განახლების წყალობით, ის სარგებლობს მასშტაბური სპონსორული შეთანხმებებითა და საერთაშორისო პოპულარობით.“

Forbes-ის ყველაზე ძვირადღირებული საფეხბურთო კლუბების სია 2026 წელს:

1. რეალ მადრიდი - 9.5 მილიარდი დოლარი

2. ბარსელონა - 7.5 მილიარდი დოლარი

3. მანჩესტერ იუნაიტედი - 7.2 მილიარდი დოლარი

4. ლივერპული - 6.2 მილიარდი დოლარი

5. პარი სენ-ჟერმენი - 5.8 მილიარდი დოლარი

6. ბაიერნი - 5.7 მილიარდი დოლარი

7. მანჩესტერ სიტი - 5.5 მილიარდი დოლარი

8. არსენალი - 5.4 მილიარდი დოლარი

9. ჩელსი - 4.2 მილიარდი დოლარი

10. ტოტენჰემი - 3 მილიარდი დოლარი