მაიკლ ოლისე და ლამინ იამალი მსოფლიო ფეხბურთში მარჯვენა ფლანგის საუკეთესო მოთამაშეები არიან, თუმცა საფრანგეთის ნაკრების ლეგენდამ, მარსელ დესაიმ, განმარტა, თუ რატომ ჩამორჩება ბაიერნის ვარსკვლავი ბარსელონას თინეიჯერ ფენომენს.
ორივე ფეხბურთელი 2026 წლის მსოფლიო ჩემპიონატზე საკუთარი ნაკრებების ლიდერობას აპირებს.
გიჟური სტატისტიკა ბაიერნსა და ბარსელონაში
მიმდინარე სეზონში ორივე შემტევმა ფენომენალური ციფრები დააფიქსირა. ბუნდესლიგის ჩემპიონ ბაიერნში ოლისემ 20 გოლი გაიტანა და 26 საგოლე გადაცემა შეასრულა. თავის მხრივ, იამალმა ბარსელონას ლა ლიგის ჩემპიონობაში 24 გოლითა და 18 ასისტით დაეხმარა.
სტატისტიკა თითქმის თანაბარია, თუმცა გასათვალისწინებელია ასაკი - იამალი სულ რაღაც 18 წლისაა, ოლისე კი უკვე 24 წლის გახდა.
დესაის კრიტიკა და თამაშის წაკითხვა
1998 წლის მსოფლიო ჩემპიონმა, მარსელ დესაიმ, GOAL-თან ინტერვიუში აღნიშნა, რომ მიუხედავად დიდი პროდუქტიულობისა, ოლისე მაღალი დონის მატჩებში იამალზე დაბლა დგას.
ვფიქრობ, უმაღლესი დონის მატჩების ინტენსივობაში ოლისე იამალზე ერთი საფეხურით დაბლაა. იამალს უკეთესი საფეხბურთო ინტელექტი აქვს - ის წინასწარ ხედავს იმ მახეებს, რომლებსაც მოედანზე უგებენ. ეს კარგად გამოჩნდა პსჟ-სა და ბაიერნის მატჩში, სადაც ოლისემ მეტოქის წნეხს ვერ გაუძლო. მას კიდევ ბევრი აქვს სასწავლი
ლეგენდარული მცველის თქმით, იამალი ბევრად უკეთ უმკლავდება გადატვირთულ გრაფიკს და რთულ შეხვედრებს, მაშინ როცა ოლისეს თამაშში პსჟ-სთან სერიოზული ჩავარდნა ჰქონდა, რამაც დესაის იმედგაცრუება გამოიწვია.
ოქროს ბურთის ნომინანტები
მიუხედავად ამ სხვაობისა, ორივე ფეხბურთელი 2026 წლის ოქროს ბურთის მთავარ ფავორიტებს შორის სახელდება. ოლისე საფრანგეთის ნაკრებთან ერთად შეეცდება მსოფლიო თასის მოპოვებას, იამალი კი ესპანეთის მთავარი იმედია. თუ რომელიმე მათგანი ზაფხულში ამერიკის მიწაზე მუნდიალს მოიგებს, ოქროს ბურთის მოპოვების შანსი მკვეთრად გაეზრდება.
