ჩირო იმობილემ 36 წლის ასაკში საფეხბურთო კარიერა დაასრულა.
ამ გადაწყვეტილებით დასრულდა მისი ხანმოკლე პერიოდი საფეხბურთო კლუბ პარიზში, მიუხედავად იმისა, რომ კლუბთან კონტრაქტი 2026/27 წლების სეზონის ბოლომდე აკავშირებდა.
კლუბის განცხადების თანახმად, იტალიელმა თავდამსხმელმა 17-წლიანი პროფესიონალური კარიერის დასრულება გადაწყვიტა, რათა დროის უმეტესი ნაწილი საყვარელ ადამიანებს დაუთმოს.
იმობილემ იტალიის ნაკრებთან ერთად ევრო 2021 მოიგო, 2020 წელს ლაციოს მაისურით ევროპის ოქროს ბუცი დაისაკუთრა, სერია A-ს საუკეთესო ბომბარდირი 4-ჯერ გახდა, ხოლო 2020 წელს ევროპა ლიგის ბომბარდირთა დავაშიც პირველი ადგილი დაიკავა.
პროფესიონალურ დონეზე ჩატარებულ 650-ზე მეტ შეხვედრაში მან 320-ზე მეტი გოლი გაიტანა.
იმობილე პარიზს 2026 წლის იანვარში შეუერთდა, რაც მისი კარიერის ბოლო ეტაპი აღმოჩნდა.
გასულ სეზონში მან ლიგა 1-სა და საფრანგეთის თასზე ჯამში 13 მატჩი ჩაატარა, 2 გოლი გაიტანა და 2 საგოლე გადაცემა შეასრულა.
