ინგლისელი შემტევი ჯეიმი გიტენსი კარიერას ლონდონის ჩელსიში გააგრძელებს.
დორტმუნდის ბორუსიამ ფეხბურთელის ტრანსფერი ოფიციალურად დაადასტურა.
მხარეებს შორის ყველა დეტალი შეთანხმდა - ჩელსი დორტმუნდს გიტენსის სანაცვლოდ დაახლოებით 55 მილიონ ფუნტს გადაუხდის.
ბინოე-გიტენსმა ბუნდესლიგის 32 მატჩში, რომლებშიც მოედანზე საშუალოდ 55 წუთს ატარებდა, 8 გოლი და 3 საგოლე გადაცემა მიითვალა.
ლიამ დელაპის და ჟოაო პედროს შემდეგ ეს ლონდონური კლუბის მე-3 ტრანსფერია ამ ზაფხულს.
