ოფიციალურად: სპორტინგმა გიოკერეშის შემცვლელი ალმერიადან დაიმატა

სპორტინგის ოფიციალური გვერდის განცხადებით, პორტუგალიურმა კლუბმა ლუის სუარესი დაიმატა.

27 წლის თავდამსხმელი სპორტინგში ალმერიადან გადავიდა, სადაც გასულ სეზონში 31 გოლი და 8 საგოლე გადაცემა მიითვალა.

კოლუმბიელმა კლუბთან კონტრაქტი 2030 წლამდე გააფორმა და მისი გამოსასყიდი თანხა 80 მილიონი ევრო იქნება. ალმერიამ მოთამაშის სანაცვლოდ 25 მილიონი ევრო მიიღო

სუარესის თქმით, სპორტინგში გადასვლა მისი ცხოვრების ყველაზე დიდი გამოწვევაა. ის ახალ კლუბში 97-ნომრიან მაისურს მოირგებს.

პორტუგალიურმა კლუბმა კოლუმბიელი შემტევი ვიქტორ გიოკერეშის შემცვლელად დაიმატა, რომელიც კარიერას არსენალში გააგრძელებს.