ვულვერჰემპტონმა მთავარი მწვრთნელის თანამდებობიდან ვიტორ პერეირა გაათავისუფლა.
შაბათს პორტუგალიელის ხელმძღვანელობით გუნდი ფულემთან პრემიერ ლიგის მე-10 ტურში 0:3 განადგურდა.
Daily Mail იტყობინება, რომ ამ წაგებამ ხელმძღვანელობას მთავარი მწვრთნელის გაშვება გადააწყვეტინა, მიუხედავად იმისა, რომ სულ ახლახანს, მას საჯაროდ მხარდაჭერას უცხადებდნენ.
ვულვზს ამ სეზონში პრემიერ ლიგის არცერთი მატჩი არ მოუგია. ჯამში გუნდს 8 მარცხი და 2 ფრე აქვს და 2 ქულით გუნდი ბოლო, მე-20 ადგილს იკავებს.
პერეირა ვულვზში გასული წლის დეკემბრიდან მუშაობდა და გასულ სეზონში მგლებს მე-16 პოზიცია დააკავებინა.
