ორი პოდიუმი ერთ ტურნირზე - როგორ მოახერხა ეს ქართველმა გოგონამ?

თბილისში გამართულ მაგიდის ჩოგბურთის ასაკობრივ საერთაშორისო ტურნირ WTT Youth Contender Tbilisi 2026-ზე, ანასტასია ჩხარტიშვილმა საპრიზო ადგილი დაიკავა.

19-წლამდელთა ასაკობრივ კატეგორიაში, ჩხარტიშვილმა ასპარეზობა 1/4 ფინალიდან დაიწყო და ბელარუს მარია სელივონეცს 3:2 მოუგო, რის შემდეგაც გერმანელ იოზეფინა ნიუმანთან 0:3 დამარცხდა.

შედეგად, ჩხარტიშვილმა ტურნირზე მე-3 ადგილი დაიკავა და ბრინჯაოს მედლის მფლობელი გახდა.

აღსანიშნავია, რომ ანასტასია ჩხარტიშვილმა, შერეულ წყვილთა შორის, კიდევ ერთი ბრინჯაოს მედალი მოიპოვა - თავის ძმასთან, ნიკოლოზ ჩხარტიშვილთან ერთად თამაშობდა.

ფოტო: საქართველოს მაგიდის ჩოგბურთის ფედერაცია