უეფას ევროპა ლიგის მე-4 ტურში გალათასარაიმ საკუთარ მოედანზე ტოტენჰემი მიიღო. მატჩი საკმაოდ სანახაობრივი და უხვგოლიანი გამოდგა.
შეხვედრაში ანგარიში მე-6 წუთზე გაიხსნა. იუნუს აქგიუნმა საჯარიმოს გარედან ულამაზესი დარტყმით გაიყვანა წინ მასპინძლები. მე-18 წუთზე ანგარიში უილ ლენკშირმა გაათანაბრა.
31-ე და 39-ე წუთებზე გატანილი გოლებით ვიქტორ ოსიმენმა დუბლი შეასრულა და გალათასარაი ორბურთიანი უპირატესობით გაიყვანა წინ, ორივე შემთხვევაში საგოლე გადაცემის ავტორი დრის მერტენსი გახდა.
მე-60 წუთზე ტოტენჰემი კიდევ უფრო რთულ სიტუაციაში ჩავარდა. გოლის ავტორმა ლენკშირმა მეორე ყვითელი ბარათი მიიღო და თამაშის დატოვება ნაადრევად მოუწია, თუმცა ლონდონელებმა სხვაობის შემცირება მაინც მოახერხეს. 69-ე წუთზე დომინიკ სოლანკემ ანგარიში 3-2 გახადა.
მატჩის დარჩენილ ნაწილში ინგლისელებმა თამაშის გადარჩენა ვეღარ მოახერხა და შეხვედრა მასპინძელთა გამარჯვებით დასრულდა.
ევროპა ლიგაზე ჩატარებული 4 მატჩის შემდეგ გალათასარაი დაუმარცხებელია და 10 ქულა აქვს, ტოტენჰემმა კი პირველი მარცხი განიცადა და 9 ქულა რჩება.
