პარაგვაის მწვრთნელი: „ჩვენ ლომებივით ვიბრძოდით და ფრანგებმა ვერაფრით გვიპასუხეს"

პარაგვაის ეროვნული ნაკრების მთავარმა მწვრთნელმა, გუსტავო ალფარომ მსოფლიო ჩემპიონატის 1/8 ფინალში საფრანგეთთან მარცხი (0:1) შეაჯამა და საკუთარი გუნდის თამაშით სიამაყე გამოხატა:

„ჩვენ ლომებივით ვიბრძოლეთ. საფრანგეთმა ვერანაირი პასუხი ვერ იპოვა, გასამარჯვებლად მათ ინდივიდუალური ოსტატობა და VAR-ის მიერ დანიშნული პენალტი დასჭირდათ.

ჩვენ ძალიან ბევრი ვიშრომეთ, რათა სხვა შედეგისთვის მიგვეღწია. თუმცა კარგად ვაცნობიერებ, რომ აქ საბრძოლველად ჩამოვედით - და ვიბრძოლეთ კიდეც.

16 წელი დაგვჭირდა იმისთვის, რომ მსოფლიო ჩემპიონატზე კვლავ მოვხვედრილიყავით - ამ დროს კი კილიან მბაპემ ტურნირი პირველივე ცდაზე მოიგო, მეორედ ფინალამდე მივიდა, ახლა კი საუკეთესო ბომბარდირის ტიტულისთვის იბრძვის“, - განაცხადა ალფარომ.