ფეხბურთის ჟურნალისტთა ასოციაციამ (FWA) წლის საუკეთესო მოთამაშეები დაასახელა.
მამაკაცებს შორის გამარჯვებული მანჩესტერ იუნაიტედის კაპიტანი ბრუნო ფერნანდეში გახდა.
ბრძოლა საკმაოდ დაძაბული გამოდგა: პორტუგალიელმა ნახევარმცველმა არსენალის დეკლან რაისს სულ რაღაც 28 ხმით აჯობა. მესამე ადგილზე კი მანჩესტერ სიტის ფორვარდი, ერლინგ ჰალანდი გავიდა.
ბრუნო ფერნანდეში მიმდინარე სეზონში მანჩესტერ იუნაიტედის ნამდვილი ლიდერია. ის მხოლოდ ერთი საგოლე გადაცემითაა დაშორებული პრემიერ ლიგის რეკორდს ერთ სეზონში შესრულებული ასისტების რაოდენობით.
რაც შეეხება ქალთა ფეხბურთს, აქ წლის საუკეთესო მოთამაშის ჯილდო მანჩესტერ სიტის თავდამსხმელმა, ბანი შოუმ მოიპოვა. მან ეს ტიტული კარიერაში მეორედ დაიმსახურა.
შოუმ ხმის მიცემაში დიდი უპირატესობით გაიმარჯვა, რაც სრულიად ლოგიკურია - მან 21 მატჩში 19 გოლი გაიტანა და მანჩესტერ სიტის ბოლო 10 წლის განმავლობაში პირველი ჩემპიონობა (WSL) მოაპოვებინა.
