ფინალი იპონით მოიგო - ირაკლი დემეტრაშვილი თბილისის დიდი სლემის ჩემპიონია

თბილისი არენაზე მიმდინარე ჯუდოს დიდ სლემზე, საქართველოს ნაკრებმა მე-2 ოქროს მედალი მოიპოვა.

+100 კგ. წონით კატეგორიაში, ირაკლი დემეტრაშვილმა ფინალამდე 4 შეხვედრა მოიგო, გადამწყვეტ ბრძოლაში კი გერმანელ ლოსენი კონეს იპონით აჯობა და დიდ სლემზე კარიერაში პირველი ოქროს მედალი დაისაკუთრა.

საქართველოს ნაკრებმა ტურნირი 6 მედლით დაასრულა - თორნიკე გიგაურმა (-66 კგ.), გიორგი ლოლაძემ (-73 კგ.), ლუკა ჯავახიშვილმა (-90 კგ.) და საბა ინანეიშვილმა (+100 კგ.) ბრინჯაოს მედალი მოიგეს, ხოლო ლუკა მაისურაძე (-90 კგ.) ჩემპიონი გახდა.