"ფიფასთან ამ წესის გადახედვაზე დავიწყებთ საუბარს", - უეფას ოფიციალური კომენტარი ალვარესის პენალტის ინციდენტზე

უეფამ ატლეტიკო - რეალის მატჩში ხულიან ალვარესის პენალტის ეპიზოდზე ოფიციალური განცხადება გააკეთა.

VIDEO: იშვიათი მოვლენა - რატომ გაუქმდა ხულიან ალვარესის გატანილი პენალტი?

„ატლეტიკო მადრიდმა უეფას ხულიან ალვარესის პენალტის ეპიზოდის თაობაზე მიმართა და ახსნა-განმარტება მოითხოვა.

ფეხბურთელი, რომელმაც პენალტი შეასრულა, ძალიან მიზერულად შეეხო ბურთს საყრდენი ფეხით, რაც წესი ნომერი 14.1-ს თანახმად, გოლის გაუქმების მიზეზი გახდა. აღნიშნული შეხება კარგად ჩანს ვიდეოშიც. 

უახლოეს პერიოდში უეფა ფიფასთან და ფეხბურთის საერთაშორისო ასოციაციასთან წამოიწყებს მოლაპარაკებებს, რათა გადაიხედოს წესი, იმ შემთხვევაში, როცა პენალტის დროს დამრტყმელი ბურთს საყრდენი ფეხით შემთხვევით შეეხო." - ნათქვამია უეფას განცხადებაში.

ვიდეო: