მეტნაკლებად ყველასთვის უკვე ცნობილია, რომ თუ გაუთვალისწინებელი არაფერი მოხდა და რეალის საპრეზიდენტო არჩევნებში ფლორენტინო პერესი არ დამარცხდა, გუნდის ახალი მთავარი მწვრთნელი ჟოზე მოურინიო იქნება.
როგორც ესპანურ პრესაში იწერება, მოურინიოს სიტყვას რეალის ტრანსფერებზე გადამწყვეტი მნიშვნელობა ექნება - ასეთი ფუფუნება ბოლო წლებში გუნდის არცერთ მწვრთნელს არ ჰქონია, თუმცა ბოლოდროინდელმა წარუმატებლობებმა პერესი აიძულა, მოურინიოს მოთხოვნებს დათანხმდებოდა.
ესპანური გამოცემა COPE წერს, რომ მოურინიოს მადრიდის რეალში ლისაბონის სპორტინგის კაპიტნისა და დანიის ნაკრების ნახევარმცველის, მორტენ ჰიულმანის ხილვა სურს.
პორტუგალიელი ჰიულმანს თავისი მადრიდული პროექტის საკვანძო ნაწილად მიიჩნევს და მის დამატებას ამ ზაფხულის ერთ-ერთ მთავარ მიზნად ისახავს.
რეალი მზადაა პორტუგალიელს ეს თხოვნა დაუკმაყოფილოს და სპორტინგან საყრდენის ტიპის ნახევარმცველის შეძენაზე მოლაპარაკებები წამოიწყოს. როგორც პრესაში იწერება, ტრანსფერის ღირებულებამ შესაძლოა 50 მილიონი ევრომდე შეადგინოს.
