ესპანური გამოცემა Mundo Deportivo ბარსელონას შემტევების საინტერესო სტატისტიკაზე წერს.
ჰანსი ფლიკის გუნდში, პირველი ხუთი მატჩის შემდეგ, ძირითადი გუნდის ყველა შემტევს გოლი უკვე გატანილი აქვს, გამონაკლისს კი მხოლოდ ენტონი გორდონი და დანი ოლმო წარმოადგენენ.
დანარჩენი შემტევების მონაგარი ასე გამოიყურება:
რაფინია — 8 გოლი
ლამინ იამალი — 5 გოლი
ფერმინ ლოპესი — 4 გოლი
ქარიმ ადეიემი — 2 გოლი
გაბრიელ ჟეზუსი — 1 გოლი
მიუხედავად იმისა, რომ გორდონსა და ოლმოს ჯერ არ გაუტანიათ, ისინი გუნდის წარმატებაში დიდ როლს თამაშობენ და საგოლე ეპიზოდებს აქტიურად ქმნიან. ინგლისელმა შემტევმა ჩატარებულ 4 შეხვედრაში 5 საგოლე გადაცემა მიითვალა (2 ელჩესთან, 2 რაიოსთან და 1 ვალენსიასთან). დანი ოლმომ კი ვალენსიასთან 5:0 მოგებულ შეხვედრაში ორი ასისტი შეასრულა.
ძირითადი გუნდის ამ ორი წევრის გარდა, გოლის გარეშე არიან სარეზერვო გუნდის ნომრით მოთამაშე თავდამსხმელები, ჰამზა აბდელკარიმი და ჯესი პისეო. ეგვიპტელმა მოედანზე მხოლოდ 4 წუთი გაატარა, ხოლო ბელგიელი ფეხბურთელი დებიუტს ჯერ კიდევ ელოდება.
